مقتل أحمد عاطف فرغلي فى الكويت على يد مراهقين اين الكرامة والسبعة الاف سنه
شاب في مقتبل عمره.. لم يتجاوز ال 25 عاما.. ترك موطنه بحثا عن الرزق في بلد أخرى.. حاله كحال آلاف الشباب في مصر إنه أحمد عاطف فرغلي الشاب المصري ابن مركز ديروط بمحافظة أسيوط الذي لقي حتفه على يد مراهق كويتي دهسه بسيارته.
الرواية التي انتشرت على مواقع التواصل الاجتماعي عن الحادث تقول.. “أحمد يعمل في محل إلكترونيات جاء له شباب كويتيين لشراء بلاي ستيشن وأصروا على أخذه بسعر أقل من سعر بيعه …. أحمد رفض يبيع بالسعر ده شتموه بأقذر الشتايم وأهانوه … أحمد قالهم اطلعوا برة … خرجوا ثم عادوا مرة أخرى ومعهم ما يقرب من 15 شاب أخر ودخلوا عليه المحل كسروا الدنيا وأصابوه بجروح هو واللي معاه وكان واحد منهم في انتظارهم بسيارة ( نصف نقل كبيرة ) ليركبوا بها ويهربوا بعد ضربه.. الشباب المصري اللي شغال في المحلات المجاورة لأحمد طلعوا واشتبكوا معاهم عشان ينقذوا أحمد ومفيش حاجة من المحل تتسرق.. وبالفعل مسكوا اتنين منهم وباقي ال ١٥ هربوا .. فالشاب اللي في السيارة برة حب ينقذ زمايله اللى اتمسكوا راح دايس أحمد تحت عجل عربيته وفضل رايح جاي عليه وداس مصري تاني ( محجوز في العناية المركزة بكسور في كل جسمه ) وهو بيهرب خبط سيارات كتير وبقي يلف عكس السير وكان في شاب كويتي قاعد ع القهوة مع والده دهسه هو كمان (الشاب الكويتي كمان في العناية المركزة)”.
من يعرف أحمد يؤكد على هدوئه الشديد وانه ليس من الشخصيات التي تصطنع المشاكل.. حيث كتبت السيدة عبير محمد عنه قائلة “انا اتعاملت مع أحمد ده الله يرحمه وﻻ عشرين مرة وهو بجد كان قمة في اﻷدب والذوق والطيبة والغلب والسكينة و سياسي جدا وﻻ اتصور ان ممكن كان حد يطلعه من حالة الهدوء اللي كان فيها دي اﻻ بمصيبة كبيرة وكان يعمل باجتهاد وإخلاص عجيب ومرة كان بيظبطلنا جهاز قبل العيد قلنا له انتوا بتقعدوا كام يوم قافلين في العيد قالنا وﻻ يوم انا من يوم ما جيت الكويت ماخدتش وﻻ يوم اجازة وﻻعيد وﻻ جمعة وﻻ اي يوم حتى لو بموت.. انا هموت عليه من امبارح ومش قادرة ابطل عياط واحد ماكملش 25 سنة وماشفش اهله من يوم ماجه وكان كله امل انه يرجع بالسﻻمة ويشوفهم وغلبان ومجتهد ومخلص وبعدين تكون نهايته كده ومرمي في الشارع بنفس اللبس اللي شفته آخر مرة بيه مدغدغ والناس تتفرج عليه وتصور”.
الحادثة أدت إلى ردة فعل شديدة الغضب على مواقع التواصل الاجتماعي لمطالبة السلطات المصرية باتخاذ الإجراءات القانونية لمثول المتهم أمام دوائر القضاء خصوصا في ظل وجود فيديو يسجل الواقعة، وذلك بسبب تكرار الحوادث التي تستهدف المصريين في الخارج.
جدير بالذكر ان هذه الحادثة تأتي بعد وقت قصير من قيام نائب أردني وأقاربه بالتعدي بالضرب على عامل مصري في أحد المحلات بالأردن.
No comments:
Post a Comment